திருச்சி உலக புத்தக தினவிழாவை முன்னிட்டு, டால்மியாபுரம் கிளை நூலகத்தில் புத்தகங்கள் காட்சிக்கு வைக்கப்பட்டன. இந்நிகழ்ச்சியில் வாசகர் வட்ட தலைவர் பி. ரெங்கசாமி அவர்கள் வரவேற்றார். கல்லக்குடி பேரூராட்சி தலைவர் பி. பால்துரை அவர்கள் தலைமை வகித்து, புதிய உறுப்பினர்கள் 10 பேருக்கு உறுப்பினர் அட்டைகளை வழங்கினார். கல்லக்குடி பேரூராட்சி செயல் அலுவலர் குணசேகரன் முன்னிலை வகித்தார். பேரூராட்சி தலைவர் பழமொழிகள் மற்றும் விடுகதைகள் சொல்லும் போட்டியில் வென்ற மாணவர்களுக்கும், நூலக நண்பர்கள் திட்டத்தில் தன்னார்வலர்களாக செயல்படும் சுரேகா,ரீட்டா ஆரோக்கியமேரி ஆகிய இருவருக்கும் பரிசுகள் வழங்கி ஊக்கப்படுத்தினார். வார்டு உறுப்பினர்கள் அடைக்கலராஜ்,குழந்தை தெரஸ், டெய்சிராணி,ஜோதி ஆகியோர் சிறப்பு விருந்தினராக கலந்துக் கொண்டனர். த. வினோத் குமார் என்ற நூலக வாசகர் ரூ1,000/- நன்கொடை வழங்கி புதிய புரவலராக இணைந்தார். முடிவில் நூலகர் சி. என். சாந்தி நன்றி கூறினார். இந்நிகழ்ச்சியில் பேரூராட்சி இளம்நிலை எழுத்தர் செல்வமணி, வாசகர் வட்ட துணைத் தலைவர் த. செல்வராஜ், பொருளாளர் மா. ஜெயலட்சுமி , வாசகர் வட்ட உறுப்பினர், கலந்துகொண்டனர். பள்ளி மாணவ, மாணவிகள், வாசகர்கள், பொதுமக்கள் கலந்து கொண்டு விழாவை சிறப்பித்தனர்.
