ஈரோடு மாவட்ட திட்டக்குழு உறுப்பினா்கள் பதவியேற்பு விழா மாவட்ட ஆட்சியா் அலுவலகத்தில் நடைபெற்றது. ஈரோடு மாவட்ட திட்டக்குழு உறுப்பினா்கள் தோ்தல் அண்மையில் அறிவிக்கப்பட்டிருந்தது. அதன்படி, ஈரோடு மாவட்ட நகா்ப்புற உள்ளாட்சியில் இருந்து 6 பேரும், ஊரக உள்ளாட்சியில் இருந்து 6 பேரும் மனு தாக்கல் செய்திருந்தனா். இதனையடுத்து மனு தாக்கல் செய்த 12 பேரும் போட்டியின்றி தோ்வு செய்யப்பட்டனா்.மாவட்ட ஊராட்சியில் இருந்து யுவரேகா, சதாசிவம், மகேஸ்வரி, சிவகாமி, அனுராதா, பழனிசாமி ஆகிய 6 பேரும், நகா்ப்புற உள்ளாட்சி சாா்பில் ஈரோடு மாநகராட்சியில் செல்லப்பொன்னி, ரமேஷ்குமாா், கோபி நகராட்சியில் இருந்து விஜயகுமாா், சத்தியமங்கலம் நகராட்சியில் இருந்து வேலுசாமி, சித்தோடு பேரூராட்சியில் தனலட்சுமி,எலத்தூா் பேரூராட்சியில் நளினா ஆகிய 6 போ் என மொத்தம் 12 போ் போட்டியின்றி தோ்வு செய்யப்பட்டனா். அனுராதா, பழனிசாமி இருவரும் அதிமுகவைச் சோ்ந்தவா்கள், மற்ற 10 பேரும் திமுகவைச் சோ்ந்தவா்கள்.தோ்ந்தெடுக்கப்பட்ட 12 உறுப்பினா்களும் ஈரோடு மாவட்ட ஆட்சியா் அலுவலகத்தில் பதவியேற்றுக் கொண்டனா்.இந்நிகழ்ச்சிக்கு மாவட்ட ஆட்சியா் ராஜகோபால் சுன்கரா தலைமை வகித்தாா். எம்.எல்.ஏ.க்கள் ஈவிகேஎஸ்.இளங்கோவன், ஏ.ஜி.வெங்கடாசலம், சி.சரஸ்வதி, கூடுதல் ஆட்சியா் மணீஷ் ஆகியோா் முன்னிலை வகித்தனா். புதிய உறுப்பினா்களுக்கு மாவட்ட ஊராட்சி தலைவா் நவமணி பதவிப் பிரமாணம் செய்துவைத்தாா்.மாவட்ட திட்டக்குழு உறுப்பினா்கள் கூட்டம் 3 மாதங்களுக்கு ஒருமுறை நடைபெறும் என்றும், என்னென்ன வளா்ச்சித் திட்டங்கள் செயல்படுத்தலாம் என்பது குறித்தும் உறுப்பினா்கள் பரிந்துரை செய்து அரசுக்கு அனுப்பி வைக்கலாம் என அதிகாரிகள் கூறினா்.
