கள்ளக்குறிச்சி மாவட்டம் சின்னசேலம் அருகே கீழ்குப்பம் காவல் நிலைய எல்லைக்குட்பட்ட விருதாச்சலம் டு சேலம் தேசிய நெடுஞ்சாலை குரால் பிரிவுரோட்டில் வாழப்பாடி பகுதி கோலத்து கோம்பை கிராமத்தைச் சேர்ந்த தங்கதுரை, வேலாயுதம் ஆகியோர் இருசக்கர வாகனத்தில் ஆத்தூர் நோக்கி சென்று கொண்டிருந்தபோது பின்னால் வந்த குஜராத் பதிவெண்கொண்ட கார் மோதியது. கார் மோதியதில் தங்கதுரை மற்றும் வேலாயுதம் ஆகியோரின் காலில் பலத்த காயம் மற்றும் எலும்பு முறிவு ஏற்பட்டது. மேலும் இரு சக்கர வாகனத்தில் மோதிய காரை சம்பவ இடத்தில் நிற்காமல் சேலம் டு சென்னை தேசிய நெடுஞ்சாலையில் சின்ன சேலம் காவல் நிலைய எல்லைக்குட்பட்ட அம்மையாகரம் அருகே நிறுத்திவிட்டு கார் ஓட்டுனர் தப்பி ஓடி விட்டார் .சம்பவம் அறிந்த காவல்துறையினர் நேரில் சென்று பார்த்தபோது காரில் மூட்டை ,மூட்டையாக குட்கா மற்றும் பான் மசாலா போன்ற போதை பொருள் கடத்திவரப்பட்டது தெரியவந்துள்ளது, மேலும் போதை பொருள் கடத்தி வந்து விபத்தை ஏற்படுத்திய வடமாநிலத்தை சேர்ந்த கார் ஓட்டுனரின் ஆதார் அடையாள அட்டை சின்னசேலம் முகவரியில் உள்ளது குறிப்பிடத்தக்கது…