திருநெல்வேலி மாநகரம் மேலப்பாளையம் அன்னை ஹாஜிரா பெண்கள் கல்லூரியில் தமிழ் இலக்கிய மன்றத் தொடக்கவிழா கல்லூரியின் அரங்கில் நடைபெற்றது. நிகழ்ச்சிக்கு கல்லூரியின் முதல்வர் முனைவர் க.ரஜப் பாத்திமா தலைமை தாங்கினார். தமிழ்த்துறைத் தலைவர் பேராசிரியை முனைவர் செ.ஷப்ரீன் முனீர் அறிமுக உரையாற்றினார். கல்லூரியின் முதலாம் ஆண்டு கணினி அறிவியல் மாணவி சி.ஹை.யாஸ்மின் பாத்திமா வரவேற்றார்.
பாளையங்கோட்டை சாராள் தக்கர் பெண்கள் கல்லூரியின் தமிழ்த்துறை பேராசிரியை முனைவர் ப.அலிஸ்ராணி, “மேலாண்மை மேல் ஆளுமை” என்னும் தலைப்பில் சிறப்புரையாற்றினார். ஆங்கிலத்துறையின் இரண்டாம் ஆண்டு மாணவி சே.அப்ரோஸ் பர்வீன் நிகழ்ச்சியைத் தொகுத்து வழங்கினார். முடிவில் கணினி அறிவியல் இரண்டாம் ஆண்டு மாணவி சே.ரகுமாள் நன்றி கூறினார்.