தமிழக முன்னாள் முதல்வர் கருணாநிதியின் 100−வது பிறந்த நாள் விழாவை முன்னிட்டு கொடைக்கானல் அன்னை தெரசா மகளிர் பல்கலைக்கழகம் சார்பில் மாரத்தான் ஓட்டம் நடைபெற்றது.இந்த போட்டியானது வில்பட்டி பிரிவில் தொடங்கியது போட்டிக்கு பல்கலைக்கழக துணைவேந்தர் கலா தலைமை வகித்தார்.பல்கலைக்கழக தேர்வுகட்டுப்பாட்டு அலுவலர் தெபோரா முன்னிலை வகித்தார்.உடற்கல்வி இயக்குனர் ராஜம் வரவேற்றார்.சிறப்பு விருந்தினராக கொடைக்கானல் டி.எஸ்.பி.மதுமதி கலந்து கொண்டு மாாரத்தான் போட்டியை கொடியசைத்து தொடங்கி வைத்தாா். வில்பட்டி பிரிவிலிருந்து தொடங்கிய மாரத்தான் மாட்டுப்பட்டி,அட்டுவம்பட்டி வழியாக 2−கி.மீ தூரம் உள்ள அன்னை தெரசா மகளிர் பல்கலைக்கழகத்தை அடைந்தனர்.இந்தப் போட்டியில் பல்கலைக்கழக மாணவிகள்,பேராசிரியைகள்,பணியாளர்கள் உள்ளிட்ட 400−க்கும் மேற்பட்டவர்கள் கலந்து கொண்டனர்.போட்டியில் மாணவர்கள் பிரிவில் முதலிடம் மாணவியும்,இரண்டாவது இடத்தை மாணவியும்,மூன்றாவது இடத்தை மாணவியும் பெற்றனர்.பேராசிரியைகள் பிரிவில் முதலிடத்தை தாமரைச் செல்வியும்,பூர்ணிமா இரண்டாவது இடத்தையும்,உமா மகேஸ்வரி மூன்றாவது இடத்தையும் பெற்றனர். வெற்றி பெற்றவர்களுக்கு துணைவேந்தர் கலா பரிசு மற்றும் சான்றிதழ்கள் வழங்கினார்.
