தமிழகம் முழுவதும் அரசு பள்ளி மற்றும் அரசு உதவி பெறும் பள்ளிகளில் மாணவர்களின் ஆங்கிலத் திறனை மேற்படுத்துவதற்காக தமிழ்நாடு அரசு பள்ளி கல்வி துறை பயிற்சிகளை ஆசிரியர்களுக்கு வழங்கி வருகிறது. இதனை முன்னிட்டு சங்கரன்கோவில் அருகே உள்ள கரிவலம்வந்தநல்லூர் அரசு மேல்நிலைப் பள்ளியில் ஆசிரியர்களுக்கு பயிற்சி முகாம் நடைபெற்றது. பயிற்சி முகாமினை மாவட்ட உதவி திட்ட அலுவலர் சீவலமுத்து தலைமை தாங்கி தொடங்கி வைத்தார். பள்ளி தலைமையாசிரியர் குமரேசன் வரவேற்புரை ஆற்றினார். ஆசிரியர்களுக்கு கருத்தாளர் ஆர்த்தி பயிற்சி அளித்தார். இந்த பயிற்சியில் சங்கரன்கோவில் வட்டாரத்தைச் சேர்ந்த 79 ஆசிரியர்கள் கலந்து கொண்டனர் பயிற்சிக்கான ஏற்பாடுகளை மாவட்ட ஒருங்கிணைப்பாளர் தயாளன், சங்கரன்கோவில் வட்டார வளமைய மேற்பார்வையாளர் முத்துலட்சுமி மற்றும் ஆசிரியர் பயிற்றுனர்கள் செய்திருந்தனர்.