திருநெல்வேலி மத்திய மாவட்ட தி.மு.க. சார்பில் 49ஆவது வார்டில் வட்டச் செயலாளரும், மாமன்ற உறுப்பினருமான அலிஷேக் மன்சூர் தலைமையில் தெருமுனைப் பிரச்சாரக் கூட்டம் நடைபெற்றது. நெல்லை மத்திய மாவட்ட தி.மு.க. பொறுப்பாளர் டி.பி.எம். மைதீன்கான், நெல்லை மாநகரச் செயலாளர் சு.சுப்பிரமணியன் ஆகியோர் முன்னிலை வகித்தனர். திமுக தலைமைக் கழக பேச்சாளர் தமிழ் பிரியன் சிறப்புரை ஆற்றினார்.
கூட்டத்தில் தி.மு.க. மகளிர் தொண்டர் அணி மாநில துணைச் செயலாளர் விஜிலா சத்யானந்த், மேலப்பாளையம் மண்டலத் தலைவி கதீஜா இக்லாம் பாசில்லா, நெல்லை மாநகராட்சி மாமன்ற உறுப்பினர்கள் பவுல்ராஜ், சுந்தர், வில்சன் மணித்துரை, சகாய ஜுலியட் மேரி, ரம்ஜான் அலி, கருப்பசாமி கோட்டையப்பன், மத்திய மாவட்ட இளைஞரணி துணை அமைப்பாளர் டவுன் மீரான், மேலப்பாளையம் பகுதிச் செயலாளர் துபை சாகுல், தகவல் தொழில்நுட்ப அணி ஒருங்கிணைப்பாளர் வழக்கறிஞர் துரை சக்தி சீதா உள்பட பலர் கலந்து கொண்டனர். முன்னதாக 52ஆவது வட்டச் செயலாளர் அந்தோணி தலைமையில் மேலப்பாளையம் தாய்நகர் பகுதியில் தெருமுனை பிரசாரக் கூட்டம் நடைபெற்றது.