மாவீரர் சுந்தரலிங்கனார் மக்கள் இயக்கம் சார்பாக நெல்லை மாவட்டம் வேப்பங்குளத்தில் மாவீரர் சுந்தரலிங்கனார் மக்கள் இயக்கத்தின் அலுவலகத்தில் வைத்து தியாகி இம்மானுவேல் சேகரனாரின் 100ஆவது பிறந்தநாளை முன்னிட்டு இம்மானுவேல் சேகரனாரின் திருவுருவப் படத்துக்கு, சுந்தரலிங்கனார் மக்கள் இயக்கத்தின் நிறுவனத் தலைவரும், சமூக ஆர்வலருமான நெல்லை மா.மாரியப்ப பாண்டியன் மாலை அணிவித்து மரியாதை செலுத்தினார்.
இந்த நிகழ்ச்சியில் பொருளாளர் மோகன்தாஸ், தூத்துக்குடி மாவட்டச் செயலாளர் தர்மராஜ், மாவட்டச் செயலாளர் பிரேம்குமார், தச்சை. மண்டலச் செயலாளர் தங்கவேலு, பாளை. ஒன்றியச் செயலாளர் பேச்சிப்பாண்டியன், வி.எம்.சத்திரம் பால்ராஜ், தலைமை ஆசிரியர் புதிய ஜெயசிங், இந்து மக்கள் கட்சியின் மாநிலச் செயலாளர் முத்துபாண்டியன், வேப்பங்குளம் நாட்டாமை சொரிமுத்து, இராமையன்பட்டி நயினார் உள்பட பலர் கலந்து கொண்டனர்.