தூத்துக்குடியில் மழைநீர் சேகரிப்பு விழிப்புணர்வு பேரணியை மாவட்ட ஆட்சியர் கோ.லட்சுமிபதி கொடியசைத்து தொடங்கி வைத்தார்.தூத்துக்குடி மாநகராட்சிக்குட்பட்ட மில்லர்புரத்தில் இன்று தமிழ்நாடு குடிநீர் வடிகால் வாரியம் சார்பில், மழைநீர் சேகரிப்பின் முக்கியத்துவம் குறித்து பொதுமக்களிடையே விழிப்புணர்வு ஏற்படுத்தும் வகையில் மழைநீர் சேகரிப்பு விழிப்புணர்வுப் பேரணியை மாவட்ட ஆட்சியர் கோ.லட்சுமிபதி, கொடியசைத்து தொடங்கி வைத்தார்.நிகழ்ச்சியில், தமிழ்நாடு குடிநீர் வடிகால் வாரியம் நிர்வாகப் பொறியாளர் ராஜா, உதவி நிர்வாகப் பொறியாளர் ஜான் செல்வம், இளநிலை குடிநீர் பகுப்பாய்வாளர் வினோத்குமார், புனித மரியன்னை ஆண்கள் மேல்நிலைப் பள்ளியின் தலைமையாசிரியர் மரியஜோசப் அந்தோணி உட்பட பலர் கலந்து கொண்டனர்.
