இந்திய கோழிப்பண்ணை உபகரண உற்பத்தியாளர்கள் சங்கத்தின் (IPEMA) தலைவர் உதய் சிங் பயஸ், பல்வேறு மூத்த மற்றும் நிர்வாகக் குழு உறுப்பினர்களுடன் இணைந்து ஹைதராபாத்தில் நடைபெற்ற செய்தியாளர் கூட்டத்தில் இந்த ஆண்டு நவம்பர் 22 முதல் 24 வரை உலகின் மிகப்பெரிய கோழிப்பண்ணை கண்காட்சியாக பவுல்ட்ரி இந்தியாவின் 15ம் பதிப்பு ஹைதராபாத்தில் நடைபெறவுள்ளதாக தெரிவித்தார்.
இந்திய கோழிப்பண்ணை உபகரண உற்பத்தியாளர்கள் சங்கம் இந்த கண்காட்சியை 2007 ஆம் ஆண்டு முதல் நடத்துகிறது, மேலும் இது உலகின் மிகப்பெரிய மற்றும் குறிப்பாக கோழிப்பண்ணைக்காக அர்ப்பணிக்கப்பட்ட ஒரே நிகழ்வாகும். நவம்பர் 22 முதல் 24 வரை ஹைதராபாத்தில் உள்ள ஹைடெக்ஸ் சர்வதேச கண்காட்சி மையத்தில் இந்த நிகழ்வு திட்டமிடப்பட்டுள்ளது.