கள்ளக்குறிச்சி மாவட்டம், சின்னசேலம் வட்டம், நைணார்பாளையம் அருகே உள்ள பேக்காடு மெயின் ரோட்டில் வசித்து வருபவர் தமிழ்ச்செல்வி – சிவக்குமார் தம்பதியினர். இந்நிலையில் தமிழ்ச் செல்வி கடந்த 20.11.2023 அன்று தனது வீட்டை பூட்டிவிட்டு அருகில் உள்ள வயலுக்கு மாடு மேய்க்கச் சென்று வீடு திரும்பகையில் தனது வீட்டின் கதவு உடைக்கப்பட்டு இருப்பதை கண்டு அதிர்ச்சியும், வேதனையும் அடைந்து, உள்ளே சென்று பொருட்களை ஆராய்ந்து பார்க்கும் பொழுது தங்களுக்கு சொந்தமான 19 சவரன் தங்க நகை காணாமல் போனது தெரியவந்தது. இதனால் அதிர்ச்சியும், மன வேதனையும் அடைந்த தமிழ்ச்செல்வி வயது 37 க/ பெ சிவக்குமார் என்பவர் கீழ்குப்பம் காவல் நிலையத்தில் இது சம்பந்தமாக புகார் மனு அளித்திருந்தார்.
இந்த புகாரின் அடிப்படையில் கீழ்குப்பம் போலீசார் வழக்கு பதிவு செய்து விசாரணையில் ஈடுபட்டபோது கள்ளக்குறிச்சி மாவட்டம், கள்ளக்குறிச்சி வட்டம், தென்சிறுவள்ளூர் காட்டுக்கொட்டாய் பகுதியைச் சேர்ந்த சந்திரமோகன் வயது 26 த/பெ முத்துசாமி என்பவர் களவாடி இருந்தது தெரிய வந்தது. அவரிடம் தொடர்ந்து விசாரணை செய்ததில் 9 சவரன் தங்க நகையும், ஒரு இருசக்கர வாகனமும் (TN 15 MC 0220) கைப்பற்றப்பட்டது. இது சம்பந்தமாக கீழ்குப்பம் போலீசார் வழக்குப் பதிவு செய்து அந்த நபரை நீதிமன்ற காவலுக்கு அனுப்பி வைத்தனர்.