இராமநாதபுரம் மாவட்டம் கடலாடி ஒன்றியம் நரசிங்கக்கூட்டம் ஊராட்சி ஒன்றிய தொடக்கப்பள்ளி ஆண்டு விழா சிறப்பாக நடைபெற்றது.
ஆண்டு விழாவிற்கு பள்ளி மேலாண்மைக் குழு தலைவர் பா.பூமாரி தலைமை வகித்தார். துணைத் தலைவர் மு.சந்தனமாரி, சத்துணவு அமைப்பாளர் இரா.முனீஸ்வரி முன்னிலை வகித்தனர். தலைமையாசிரியர் ச.கிறிஸ்து ஞான வள்ளுவன் அனைவரையும் வரவேற்றார்.
மாணவ, மாணவகளின் கலை நிகழ்ச்சிகள் நடைபெற்றன. படிப்பில் சிறப்பிடம் பெற்றவர்களுக்கும், விளையாட்டுப் போட்டியில் வெற்றி பெற்றவர்களுக்கும் பரிசுகள் வழங்கப்பட்டன.
விழாவில் கல்விக்குழு உறுப்பினர்கள், பெற்றோர் ஆசிரியர் கழக உறுப்பினர்கள், ஊர் பொதுமக்கள், இளைஞர்கள் திரளாக கலந்து கொண்டனர். பள்ளி இடைநிலை ஆசிரியை இரா.ஜெஸிந்தா நன்றி கூற விழா இனிதே நிறைவு பெற்றது.