சேலம் எம்மீஸ் சிறப்பு பள்ளி மற்றும் கமலம் மறுவாழ்வு மையம் நடத்திய 11 ஆவது வருட விளையாட்டு விழா கமலம் மறுவாழ்வு மைய வளாகத்தில் நடைபெற்றது. இதில் ஓட்டப்பந்தயம், இசை நாற்காலி, பந்து எறிதல், குண்டு எறிதல், சக்கர நாற்காலி ஓட்டுதல், பூ கோர்த்தல் போன்ற பல்வேறு விளையாட்டுகள் நடைபெற்றது. இதில் சிறப்பு விருந்தினராக ஸ்ரீ செல்வ மாளிகை மார்க்கெட்டிங் மேனேஜர் மணிகண்டன், மற்றும் ஜெயபிரகாஷ், பள்ளியின் தாளாளர் ஹேமா பிரைட் ஆகியோர் கலந்து கொண்டு வெற்றி பெற்ற மாணவ மாணவிகளுக்கு சான்றிதழ், பதக்கம், கேடயம் வழங்கினார்கள். இதில் எம்மீஸ் பள்ளியின் சிறப்பு ஆசிரியர்கள் கலந்து கொண்டு சிறப்பித்தனர். இதனை எம்மீஸ் பள்ளியின் ஒருங்கிணைப்பாளர் இவாஞ்சலின் டோமினிக் சிறப்பாக ஏற்பாடு செய்திருந்தார்.
