சென்னை, ஏப்ரல் 10, 2024: இம்மாநகரில் ஒரு முன்னணி பன்னோக்கு மருத்துவமனையாக புகழ்பெற்றிருக்கும் ரேலா மருத்துவமனை பார்கின்சன்ஸ் நோயாளிகளின் DBS (ஆழமான மூளைத்தூண்டல்) பிரச்சனைகளை சரிசெய்ய ஒரு மேம்பட்ட கிளினிக்-ஐ தொடங்கியிருக்கிறது. இந்த கிளினிக், தேவைப்படுபவர்களுக்கு மதிப்பாய்வு செய்து DBS, பொடூலினம் டாக்ஸின் மற்றும் அபோமார்ஃபைன் தெரபிக்குப் பிறகு உகந்த பலனளிக்கும் இமேஜ் வழிகாட்டல் புரோகிராமிங் போன்ற மேம்பட்ட பராமரிப்பை வழங்கும்.
இந்த கிளினிக் தொடக்கவிழா நிகழ்வில் ரேலா மருத்துவமனையின் தலைவர் & நிர்வாக இயக்குநர் புரொபசர். முகமது ரேலா தலைமை வகிக்க கவுரவ விருந்தினராக சத்யானந்த யோகா சென்டரின் நிறுவனர் திரு. சன்னியாசி சிவா ரிஷி கலந்து கொண்டார். தாம்பரம் காவல்துறை துணை ஆணையர் திரு. பவன் குமார் ரெட்டி ஐபிஎஸ் மற்றும் நகைச்சுவை நடிகரான திரு. புகழ் ஆகியோர் தலைமை விருந்தினர்களாக இந்நிகழ்வில் பங்கேற்றனர்.
தொடக்கவிழா நிகழ்வை தொடர்ந்து, ஒரு யோகா அமர்வும் நடைபெற்றது. இயக்க திறன்கள் மற்றும் மூளை நரம்பியல் நிலைகளுக்காக பிரத்யேகமாக வடிவமைக்கப்பட்டிருக்கும் நிவாரணமளிக்கிற யோகா ஆசன அமர்வில் சுமார் 100 நோயாளிகளும் மற்றும் அவர்களது குடும்ப உறுப்பினர்களும் பங்கேற்றனர். ஆண்டுதோறும் ஏப்ரல் 11-ம் தேதியன்று அனுசரிக்கப்படும் உலக பார்கின்சன்ஸ் தினம் என்ற நிகழ்வையொட்டி பார்கின்சன்ஸ் மற்றும் இயக்கக் கோளாறுகள் கொண்ட நோயாளிகளுக்கு மருத்துவ நிபுணர்களுடன் இலவச கலந்தாலோசனை திட்டத்தை 2024, ஏப்ரல் 30-ம் தேதிவரை வழங்குவதையும் ரேலா மருத்துவமனை அறிவித்திருக்கிறது. அப்பாய்ன்ட்மென்ட்களுக்கு: 044-6666 7777
