ஓசூரில் ராயக்கோட்டை சாலையிலுள்ள ஆர்வி அரசு ஆண்கள் மேல்நிலைப்பள்ளியில், ஈகிள்ஸ் ஸ்போர்ட்ஸ் கிளப் சார்பில்,23-வது வாலிபால் கோடை பயிற்சி நிறைவுவிழா நேற்று நடந்தது. விழாவிற்கு பள்ளி தலைமையாசிரியர் முனிராஜ் தலைமை வகித்தார்.மாநகராட்சி கவுன்சிலர் மோசின் தாஜ் நிசார்,உடற்கல்வி ஆசிரியர் வெங்கடேஷ் ஆகியோர் முன்னிலை வகித்தனர்.விழாவில் சிறப்பு விருந்தினராக ஓசூர் மாநகராட்சி மேயர் சத்யா பங்கேற்று,கோடை கால வாலிபால் பயிற்சி பெற்ற 87 மாணவ,மாணவியருக்கு சான்றிதழ்களை வழங்கி பாராட்டினார்.மேலும் இந்த விழாவில் பயிற்சியாளர்கள் தாயுமானவன்,கீதா மற்றும் பள்ளி மாணவ,மாணவியர்கள்,ஆசிரியர்கள் பலர் பங்கேற்றனர்.விழா ஏற்பாடுகளை ஈகிள்ஸ் ஸ்போர்ட்ஸ் கிளப்பினர் செய்திருந்தனர்.
