செஞ்சி.
விழுப்புரம் மாவட்டம் செஞ்சியில் உள்ள வரலாற்றுச் சிறப்புமிக்க செஞ்சி கோட்டையில் அமைந்துள்ள பிரசித்தி பெற்ற வீர ஆஞ்சநேயர் கோவிலில் தருமபுரி சட்டமன்ற உறுப்பினர் சௌமியா அன்புமணி சாமி தரிசனம் செய்தார்.
கோவிலுக்கு வந்த சௌமியா அன்புமணிக்கு கோவில் நிர்வாகம் சார்பில் வரவேற்பு அளிக்கப்பட்டது. தொடர்ந்து வீர ஆஞ்சநேயரை தரிசனம் செய்து சிறப்பு வழிபாடு மேற்கொண்டார். அவருடன் செஞ்சி சட்டமன்ற உறுப்பினர் கணேஷ்குமார், விக்கிரவாண்டி சட்டமன்ற உறுப்பினர் சிவக்குமார் ஆகியோரும் கோவிலில் சாமி தரிசனம் செய்தனர்.
சாமி தரிசனம் முடித்த பின்னர் சௌமியா அன்புமணி செய்தியாளர்களை சந்தித்தார். அப்போது, அவர் அமைச்சரவையில் இடம்பெற உள்ளதாகவும், இதுதொடர்பாக பல்வேறு தகவல்கள் வெளியாகி வருவதாகவும் செய்தியாளர்கள் கேள்வி எழுப்பினர்.
இதற்கு பதிலளித்த சௌமியா அன்புமணி, “அது வதந்தி” எனத் தெரிவித்தார். அமைச்சரவையில் இடம்பெற உள்ளதாக வெளியாகி வரும் தகவலுக்கு அவர் நேரடியாக மறுப்பு தெரிவித்தார்.
சௌமியா அன்புமணியின் இந்த விளக்கம் மூலம், அமைச்சரவையில் அவர் இடம்பெற உள்ளதாக தற்போது வெளியாகி வரும் தகவல்கள் குறித்து அவரது தரப்பில் எந்தவிதமான உறுதிப்படுத்தலும் இல்லை என்பது தெளிவாகியுள்ளது.
About the Author
