சேலம் சர்வதேச அளவில் நடந்த தடகளப் போட்டியில் தாய்லாந்தில் நடந்த வட்டு எரிதல் மற்றும் குண்டு எறிதல் போட்டியில் சேலம் வீரர் சஞ்சய் கண்ணா கலந்துகொண்டு விளையாடினார். இதில் வட்டி எறிதல் பிரிவில் தங்கப் பதக்கமும் ,குண்டு எறிதல் பிரிவில் வெண்கல பதக்கம் வென்று தமிழகத்திற்கு பெருமை சேர்த்துள்ளார். இவர் சென்னையில் இருந்து கோவை செல்லும் சதாப்தி ரயிலில் சேலம் ரயில் நிலையத்துக்கு வந்தார். அவருக்கு சேலம் மாவட்ட அமெச்சூர் கபடி கழக செயலாளர் தமிழ்ச்செல்வன் ,காவல்துறை விளையாட்டு வீரருமான கென்னடி ஆகியோர் தலைமையில் மாலை அணிவித்து உற்சாக வரவேற்பு அளித்தனர். அப்போது இந்திய கபடி விளையாட்டு வீரர் அம்பேஸ் ,முருகன், கபடி குழு தங்கராஜ் ,மனோஜ், சூர்யா, ஸ்போர்ட்ஸ் அகாடமி பெரிய புதூர் குமார், தங்கப்பதக்கம் வென்ற சஞ்சய் கண்ணாவின் தந்தை அழகாபுரம் கண்ணன், தாய் மாலா, உறவினர்கள் உட்பட பலர் உடனிருந்தனர்.