கள்ளக்குறிச்சி தெற்கு மாவட்ட செயலாளர் வழக்கறிஞர் இரா. மதியழகன் தலைமையில், முன்னாள் மாவட்ட செயலாளர் தமிழ்மாறன் மற்றும் மாவட்ட செய்தி தொடர்பாளர் அனிச்ச மலரவன் ஆகியோர் முன்னிலையில் கள்ளக்குறிச்சி_ கடலூர் மண்டல செயலாளர் சவுதி ராஜ்குமார், மண்டல துணைச் செயலாளர்கள் பொன்னிவளவன்,பரசு முருகையன், ஐயாயிரம் ஆகியோர்கள் அறிமுகம் செய்யப்பட்டனர். இந்த அறிமுக மற்றும் ஆலோசனை கூட்டத்திற்கு சிறப்பு அழைப்பாளர்களாக கட்சியின் துணைப் பொதுச் செயலாளர் வழக்கறிஞர் ரஜினிகாந்த், முற்போக்கு மாணவர் பேரவையின் மாநில செயலாளர் தயா. நெப்போலியன் ஆகியோர் கலந்து கொண்டு வாழ்த்துரை வழங்கினர். மேலும் இந்த அறிமுக ஆலோசனை கூட்டத்தில் நான்கு தீர்மானங்கள் நிறைவேற்றப்பட்டன. இந்த தீர்மானத்தினை புதிய மாவட்ட செயலாளர் இரா.மதியழகன் அவர்கள் முன்மொழிந்தார். இந்த அறிமுக மற்றும் ஆலோசனை கூட்டத்தில் மாநில, மாவட்ட நகர, ஒன்றிய, முகாமைச் சேர்ந்த ஆயிரத்திற்கும் மேற்பட்ட விடுதலைச் சிறுத்தைகள் கட்சியினர் கலந்து கொண்டனர்.