கும்மிடிப்பூண்டி அடுத்த பெருவாயில் அமைந்துள்ள டி.ஜே.எஸ் கள்ளிக்குடும்பத்தில் விஜயதசமி விழா கொண்டாடப்பட்டது. அதில் டி.ஜே.எஸ்.மெட்ரிக் பள்ளி மற்றும் டி.ஜே.எஸ் பப்ளிக் பள்ளி இணைந்து விஜயதசமியை முன்னிட்டு வித்தியாரம்ப நிகழ்ச்சி நடைபெற்றது. புதிய மாணவர்களுக்கு கையைப் பிடித்து அரிசியில் எழுதி பள்ளியில் சேர்த்துக் கொண்டனர். முன்னாதாக பள்ளி மாணவர்கள் வரவேற்பு நடனம் யோகா ஆகிய நிகழ்ச்சிகளை நடத்தினர் பின்னர் இறுதியாக புதிய மாணவர்களுக்கு பள்ளி உபகரணங்கள் வழங்கப்பட்டது. இவ்விழாவில் டிஜேஎஸ். கல்விக்குழும தலைவரும் கும்மிடிப்பூண்டி சட்டமன்ற உறுப்பினருமான டிஜே. கோவிந்தராஜன் தலைமை தாங்கினார். உடன் டி.ஜே.எஸ் கல்வி நிர்வாக இயக்குனர் ஆறுமுகம் துணை தலைவர் தேசமுத்து பள்ளி தாளாளர்கள் பழனி தமிழரசன் இயக்குனர்கள் விஜயகுமார் கபிலன் தினேஷ் பள்ளி முதல்வர்கள் ஞானபிரகாசம் அசோக் மற்றும் நிர்வாக அலுவலர் ஏழுமலை ஆகியோர் கலந்து கொண்டனர்.
