பஜாஜ் இருசக்கர வாகன நிறுவனத்தின் புதிய படைப்பான “சேதக்” எலக்ட்ரிக் ஸ்கூட்டர் ஷோரூம் திறப்பு விழா நெல்லை மாநகரம் பாளையங்கோட்டை கொக்கிரகுளத்தில் நடைபெற்றது. விழாவிற்கு சுசீ குழுமத்தின் நிர்வாக இயக்குனர் புருஷோத்தமன் தலைமை தாங்கினார். மேலப்பாளையம் செல்வன் மருத்துவமனையின் தலைமை மருத்துவர் டாக்டர் பிரேமச்சந்திரன், பாளையங்கோட்டை சட்டமன்ற உறுப்பினர் மு.அப்துல் வகாப்பின் புதல்வர் முஸ்தமில் அகமது ஆகியோர் புதிய “சேதக்” ஷோரூமை திறந்து வைத்து குத்து விளக்கு ஏற்றி முதல் விற்பனைகளைத் தொடங்கி வைத்தனர்.
பஜாஜ் பைக் நிறுவனத்தின் ஏரியா மேனேஜர் அபினந்த் மற்றும் “சேதக்” வாகனப் பிரிவின் ஏரியா சர்வீஸ் மேனேஜர் பத்ரிநாராயணன் ஆகியோர் சிறப்பு விருந்தினராகக் கலந்து கொண்டனர். புதிய சேதக் எலக்ட்ரிக் ஸ்கூட்டரின் சிறப்பு அசம்சங்களை, நிறுவனத்தின் நிர்வாகி இயக்குனர் புருசோத்தமன், விவரித்துக் கூறினார். முடிவில் நிறுவனத்தின் ஆலோசகர் சிவராமலிங்கம் நன்றி கூறினார். விழாவிற்கான ஏற்பாடுகளை “சேதக்” ஷோரூம் மேலாளர் சுப்பிரமணியன் தலைமையிலான ஊழியர்கள் செய்திருந்தனர்.