கன்னியாகுமரி மாவட்டத்தில் விபத்துக்கள் ஏற்படாமல் இருக்க மாவட்ட காவல் கண்காணிப்பாளர் டாக்டர் இரா.ஸ்டாலின் IPS அவர்கள் பல்வேறு முன்னெச்சரிக்கை நடவடிக்கைகள் எடுத்து வருகிறார்கள். அதன் தொடர்ச்சியாக மாவட்டம் முழுவதும் போலீசார் தீவிர வாகன சோதனைகளில் ஈடுபட்டு வருகின்றனர்.
இந்நிலையில் தக்கலை உட்கோட்ட துணை காவல் கண்காணிப்பாளர் பார்த்திபன் அவர்கள் மேற்பார்வையில், தக்கலை போக்குவரத்து ஒழுங்குப் பிரிவு காவல் ஆய்வாளர் அருண் தலைமையிலான போலீசார் Speed Radar Gun பயன்படுத்தி வாகன சோதனையில் ஈடுபட்டிருந்த போது அனுமதிக்கப்பட்ட வேகத்தை மீறி, அதிவேகமாகவும் கவனக்குறைவாகவும் ஓட்டி வந்த 12 கனரக வாகனங்கள் மீது மோட்டார் வாகன சட்டத்தின் கீழ் நடவடிக்கை மேற்க்கொள்ளப்பட்டது.இந்த நடவடிக்கைகள் வரும் நாட்களில் மேலும் தீவிரப்படுத்தப்படும் என எச்சரிக்கப்படுவதாக காவல்துறை சார்பில் தெரிவிக்கப்பட்டது
