ஆரணி அருணகிரி சத்திரம் பார்வதி நாகையா திருமண மண்டபத்தில் ஆரணி பட்டு கைத்தறி தொழிலாளர் கூட்டமைப்பு பொறுப்பாளர்கள் பரமாத்மன், பரணி தமிழ் நெசவாளர்களின் வாழ்வாதாரம் பாதுகாக்கும் வகையில் ஆரணி பட்டு கைத்தறி நெசவாளர்களின் வாழ்வாதாரத்தை பாதுகாத்திடவும், ஆரணி பகுதியில் பாரம்பரியமிக்க பட்டு கைத்தறி நெசவாளர்கள் சுமார் ஒரு லட்சம் பேரின் பாதிப்பிலிருந்து மீட்டு எடுக்க வேண்டும்,பட்டு கைத்தறியில் தயாரிக்கப்பட்டு வரும் பட்டுசேலை டிசைன்களை அரசின் விதிமுறைகளை மீறி விசைத்தறிகளில் பவர்லூம் செய்து பட்டு சேலை விற்பனை நிலையங்களுக்கு ஆய்வு செய்து தடுத்திட வேண்டும், இதனால் ரூ 100 கோடி ரூ மதிப்பிலான கைத்தறி சேலைகள் தேக்கம், புவிசார் குறியீடு பெற்றுள்ள ஆரணி பட்டு கைத்தறி நெசவாளர்களின் வாழ்க்கை பாதிக்கப்பட்டு வருமானத்தை இழந்து ,வறுமை நிலையை நோக்கி செல்வதை தவிர்த்திடும் வகையில் ஆலோசனைக் கூட்டத்தில் ஆரணியில் வரும் 10ஆம் தேதி ஆரணி கொசப்பாளையம் தர்மராஜா கோவில் மைதானத்தில் இருந்து சுமார் 20,000 நெசவாளர்களுடன் பேரணியாக சென்று உதவி கலெக்டர் எம். தனலட்சுமி இடம் கோரிக்கை மனு வழங்குவது, தமிழக அரசும் கைத்தறி துறையும் ஆரணியிலும், சுற்றியுள்ள பகுதிகளிலும் விசைத்தறிவில் பட்டு சேலைகள் தயாரிக்கும் நெசவு கூடங்களை ஆய்வு செய்து தடை செய்ய வேண்டும், உள்ளிட்ட கோரிக்கைகளை தீர்மானங்களாக நிறைவேற்றினர். கூட்டத்தில் பட்டு சேலை தயாரிப்பாளர் சங்க தலைவர் கம்யூனிஸ்ட் கட்சியின் மாவட்ட நிர்வாகிகள் சி. அப்பாசாமி ,வீரபத்திரன் , பி. கண்ணன் உள்பட ஆயிரக்கணக்கான நெசவாளர்கள் கூட்டத்தில் பங்கேற்றனர்.
